Гүрэнэй «Бурятия» телеканалай долгин дээрэ республикынгөө улад зонтой сэхэ харилсаха үедөө Буряад Уласай Толгойлогшо Вячеслав Наговицын ниислэл хотын 350 жэлэй ойдо зорюулан Улаан-Үдэдэ 350 мянган модо һуулг

Тэбхэр энэ ойн баяр 2016 ондо тэмдэглэгдэхэнь. Буряад Уласай Толгойлогшын һанамжаар, хотын бүхы ажаһуугшад, айл бүлэ бүхэн габшагай энэ хэмжээ ябуулгада сүм оролсон хабаадалсаха аргатай һэн. Эмхидхэгшэд – Республикын ой ажахын агентство, Ой модо хамгаалгын түб болон бусад – модоной эшэ үрэһэнүүдые бултанда хүрэхөөр бэлдээд үгэхэ

Уридшалан багсаамжалһаар, тус проект хоёр шатаһаа бүридэхэ, тусхайлбал, модо һуулгаан 2015-2016 онуудай хабар намарай хаһада эмхидхэгдэхэ жэшээтэй. Газаагаа модо һуулгаха һанаатай зондо модоной эшэ үрэһэн түлбэригүйгөөр асарагдажа тараагдаха. Гадна, хүдэлмэрилхы бүлгэмүүдтэ хотын захиргаан модо тариха газарнуудые зааха. Засаг зургаанайшье түлөөлэгшэд энэ хэрэгтэ эдэбхитэйгээр хабаадалсаха ёһотой.

Республикын Толгойлогшо мүнөөдэр түсэблэлгын зүблөөн дээрээ модо һуулгаха талаар габшагай хэмжээ ябуулгые алиш талаһаань хангаха тухай даабари Правительствын гэшүүдтэ үгөһэн байна.
Теледамжуулгын буулгабари bgtrk.ru/projects/detail.php гэһэн хаягаар табигданхай.