Буряад залуу олзотон үрэһэ эшэнүүдые Монгол руу худалдадаг болохонь
Общество,
05.12.2014 12:22.
Буряадай Сэлэнгын аймагай залуу олзотон, бүхэроссиин «Россиин залуу олзотон - 2014» гэһэн урилдаанай «Хүдөө ажахы» гэжэ янза илгаада шалгарһан Василий Данзанов Монголой дэлгүүртэ шэмэглэлэй ба алим жэмэсэй үрэһэ эшэнүүдые худалдаха тухай тэндэхи компанитай хэлсээ-меморандум баталба.
«Россиин залуу олзотон» гэжэ урилдаа Буряад Уласай Һуралсалай болон эрдэм ухаанай яаманай Залуушуулай политикын талаар хороон Залуушуулай олзын хэрэг эрхилэлгын һургуулитай хамта эмхидхэһэн байгаа.
2014 оной октябриин 1-һээ 22 болотор үнгэргэгдэһэн тэрэ урилдаанай дүнгүүдээр Василий Буряадай бүлэг түлөөлэгшэдэй бүридэлдэ Улаан-Баатарта болоһон эдеэ хоолой болон унданай уласхоорондын үзэсхэлэн – яармагта хабаадалсаха эрхэдэ хүртөө һэн. Тэндэ Буряад уласай үйлэдбэрилхы эмхинүүд өөрын эд хэрэгсэлнүүдтэй танилсуулга үнгэргөө бэлэй. Тэндэ Монголойшье, бусадшье хари гүрэнүүдэй компанинууд хабаадалсаһан байна гээд тэмдэглэе.
Юрэнхыдөө, Василий Данзановай компани Буряадта гаргагдаһан үрэһэ эшэнүүдые ургуулан үйлэдбэрилдэг ори гансахан лэ эмхи юм байна. Тэрэшэлэн, дайда дэбисхэр отогжуулан шэмэглэхэ үүргэ аргатай. Залуу олзотон өөрын хэрэг ябуулгаяа хүршын орон нютагуудаар дэлгэрүүлхэ үнинэй хүсэлтэй бэлэй. Тэрэ тоодо, Монголдошье тэрэнээ нэбтэрүүлжэ туршаха түсэб буйлуулжа ябагша һэн гээд Һуралсалай болон эрдэм ухаанай яаманда дуулгаа.
«Россиин залуу олзотон - 2014» гэһэн Бүхэроссиин урилдаанай түгэсхэлэй шата байгша оной декабриин тэнгээр Москвада үнгэргэдэхэ юм ха. Тэндэ хабаадаха эрхэ боломжо региональна шата дабажа гараһан Россиин зуугаад залуу олзотондо үгтэхэ жэшээтэй.
«Россиин залуу олзотон» гэжэ урилдаа Буряад Уласай Һуралсалай болон эрдэм ухаанай яаманай Залуушуулай политикын талаар хороон Залуушуулай олзын хэрэг эрхилэлгын һургуулитай хамта эмхидхэһэн байгаа.
2014 оной октябриин 1-һээ 22 болотор үнгэргэгдэһэн тэрэ урилдаанай дүнгүүдээр Василий Буряадай бүлэг түлөөлэгшэдэй бүридэлдэ Улаан-Баатарта болоһон эдеэ хоолой болон унданай уласхоорондын үзэсхэлэн – яармагта хабаадалсаха эрхэдэ хүртөө һэн. Тэндэ Буряад уласай үйлэдбэрилхы эмхинүүд өөрын эд хэрэгсэлнүүдтэй танилсуулга үнгэргөө бэлэй. Тэндэ Монголойшье, бусадшье хари гүрэнүүдэй компанинууд хабаадалсаһан байна гээд тэмдэглэе.
Юрэнхыдөө, Василий Данзановай компани Буряадта гаргагдаһан үрэһэ эшэнүүдые ургуулан үйлэдбэрилдэг ори гансахан лэ эмхи юм байна. Тэрэшэлэн, дайда дэбисхэр отогжуулан шэмэглэхэ үүргэ аргатай. Залуу олзотон өөрын хэрэг ябуулгаяа хүршын орон нютагуудаар дэлгэрүүлхэ үнинэй хүсэлтэй бэлэй. Тэрэ тоодо, Монголдошье тэрэнээ нэбтэрүүлжэ туршаха түсэб буйлуулжа ябагша һэн гээд Һуралсалай болон эрдэм ухаанай яаманда дуулгаа.
«Россиин залуу олзотон - 2014» гэһэн Бүхэроссиин урилдаанай түгэсхэлэй шата байгша оной декабриин тэнгээр Москвада үнгэргэдэхэ юм ха. Тэндэ хабаадаха эрхэ боломжо региональна шата дабажа гараһан Россиин зуугаад залуу олзотондо үгтэхэ жэшээтэй.
Уважаемые читатели, все комментарии можно оставлять в социальных сетях, сделав репост публикации на личные страницы. Сбор и хранение персональных данных на данном сайте не осуществляется.
