«Найрамдал» дамжуулга шалгарба
Общество,
02.12.2014 11:08.
Бүхэроссиин хэмжээнэй «СМИротворец» гэһэн 6 дугаар урилдаанай түгэсхэлэй шатада үндэһэ яһатанай, шажан мүргэлэй харилсаанда хабаатай асуудалнуудта зорюулагдаһан 9 мянган проект ороһон байгаа. Тэдэ бүгэдые бултыень хаража үзэһэнэй удаа урилдаанай жюри «Найрамдал» гэһэн гаршагтай бүлэг дамжуулгануудые хоёрдохи хүндэтэ һуурида гаргаба
Анха түрүүн тус телепроект Барнаул хотодо үнгэрһэн нютаг можонуудай хэмжээнэй урилдаанда эрхимлэжэ үрдиһэн байна.
Ородой Холбооной Уласай Юрэнхылэгшын хэрэгүүдые эрхилхэ зургаанай албан тушаалтадай, мэдээжэ сурбалжалагшадай, олондо танюуһатай бусадшье зоной хабаадалгатай жюри буряадай зохёохы бүлгэмэй өөрсэ маяг шэнжэ болоод дүршэл шадабарииень тэмдэглэһэн байна
«Бурятия» теле-радио компаниин сэтгүүлэгшэ Баярма Раднаевагай түсэлдэ Буряад ороной олон тоото арад угсаатан тухай, улад түмэниие холбожо эблэрүүлһэн үе саг тушаа тодоор хөөрэгдэнэ. Дамжуулгаа зохёон бэлдэжэ, ударидан ябуулагшын хэлэһээр, үндэһэтэнэй хоорондо яһа хаяжа, хёмороо хэхэ һэдэлгэнүүд мүнөө үедэ илангяа ехэ гарадаг болонхой. Иимэ байдалда эб найрамдал тухай дамжуулга бэлдэхэдээ улам нарин нямбай байха шухала. Гэхэ зуура, хүнэй зүрхэ сэдьхэл хүдэлгэмэ һайн шанарай дамжуулгануудые бүри олоор гаргахые эршэдүүлхэ хэрэгтэй бшуу.
Үндэһэ яһатанай хоорондын сэтгүүлэгшэдэй холбоон «СМИротворец» урилдаанда хабаадагшадые Гүрэнэй Дүүмэ, ИТАР-ТАСС гэхэ мэтэ газарнуудаар ябуулаа. Элитэ эрдэмтэн Иван Панкеевтэй, «Ородой репортер» Виталий Лейбинтэй, МГУ-гэй сэтгүүл зүйн факультедэй декан Елена Вартановатай уулзалганууд эмхидхэгдээ. Ородой Холбооной Уласта үндэһэ яһатанай хоорондохи харилсаанда гүрэнэй талаһаа хандуулагдадаг анхарал тухай хөөрэлдөөн болоо.
Сурбалагша Баирма Раднаева, найруулагша Зэгзэма Самбуева, теле-оператор Амаржаргал Жанчивын гэгшэдһээ бүридэһэн зохёохы бүлэг саашадаашье һонин проектнуудые бэелүүлжэ байхыень хүсэе!
Анха түрүүн тус телепроект Барнаул хотодо үнгэрһэн нютаг можонуудай хэмжээнэй урилдаанда эрхимлэжэ үрдиһэн байна.
Ородой Холбооной Уласай Юрэнхылэгшын хэрэгүүдые эрхилхэ зургаанай албан тушаалтадай, мэдээжэ сурбалжалагшадай, олондо танюуһатай бусадшье зоной хабаадалгатай жюри буряадай зохёохы бүлгэмэй өөрсэ маяг шэнжэ болоод дүршэл шадабарииень тэмдэглэһэн байна
«Бурятия» теле-радио компаниин сэтгүүлэгшэ Баярма Раднаевагай түсэлдэ Буряад ороной олон тоото арад угсаатан тухай, улад түмэниие холбожо эблэрүүлһэн үе саг тушаа тодоор хөөрэгдэнэ. Дамжуулгаа зохёон бэлдэжэ, ударидан ябуулагшын хэлэһээр, үндэһэтэнэй хоорондо яһа хаяжа, хёмороо хэхэ һэдэлгэнүүд мүнөө үедэ илангяа ехэ гарадаг болонхой. Иимэ байдалда эб найрамдал тухай дамжуулга бэлдэхэдээ улам нарин нямбай байха шухала. Гэхэ зуура, хүнэй зүрхэ сэдьхэл хүдэлгэмэ һайн шанарай дамжуулгануудые бүри олоор гаргахые эршэдүүлхэ хэрэгтэй бшуу.
Үндэһэ яһатанай хоорондын сэтгүүлэгшэдэй холбоон «СМИротворец» урилдаанда хабаадагшадые Гүрэнэй Дүүмэ, ИТАР-ТАСС гэхэ мэтэ газарнуудаар ябуулаа. Элитэ эрдэмтэн Иван Панкеевтэй, «Ородой репортер» Виталий Лейбинтэй, МГУ-гэй сэтгүүл зүйн факультедэй декан Елена Вартановатай уулзалганууд эмхидхэгдээ. Ородой Холбооной Уласта үндэһэ яһатанай хоорондохи харилсаанда гүрэнэй талаһаа хандуулагдадаг анхарал тухай хөөрэлдөөн болоо.
Сурбалагша Баирма Раднаева, найруулагша Зэгзэма Самбуева, теле-оператор Амаржаргал Жанчивын гэгшэдһээ бүридэһэн зохёохы бүлэг саашадаашье һонин проектнуудые бэелүүлжэ байхыень хүсэе!
Уважаемые читатели, все комментарии можно оставлять в социальных сетях, сделав репост публикации на личные страницы. Сбор и хранение персональных данных на данном сайте не осуществляется.
