Буряад Уласай Арадай Хуралай түрүүлэгшэ Толгойлогшынгоо нэрые аршалаял гээд уряалба

Парламентын түрүүлэгшэ Матвей Гершевич түсэблэлгын зүблөөн дээрээ арадай һунгамалнуудта, тэрэ тоодо видеохолбоондо хабаадалсажа байһан аймагуудай хүтэлбэрилэгшэдтэ хандажа, засаг буляалдан эсэргүүсэгшэдэй хуурмаг хардалгаһаа республикынгээ Толгойлогшые хамгаалха тухай дурадхал оруулба

Спикерэй хэлэһээр, Вячеслав Наговицыниие дуулдаа үзэгдөөгүй хардалга боложо байна. “БГУ-е хамгаалая” гэһэн уряа доро зарлагдаһан митинг дээрэ республикын засаг түрэ буруушааһан эрилтэнүүдтэй плакат-хабтаһанууд гэнтэ бии болоодхёо һэн гээд тэрэ һануулаа. Тэдэ эрилтэнүүдые ганса БГУ-гэйшье ажалшад бэшэ, харин “Буряад ороной олонхи зон лаб дэмжэнэгүй”, - гээд парламентын түрүүлэгшэ эрхэтэдтэй уулзаһанайнгаа һүүлээр тэмдэглээ. “Вячеслав Наговицынай хүтэлбэри доро республика дотор яһала ехэ юумэн хэгдээ, олон ондоо барилганууд ябуулагдаа, харгынууд заһагдаа” гэхэ мэтые дурдаха зуураа М. Гершевич: “Республикын Толгойлогшо Засаг зургаан, арад зонтоёо хамта бүхы арга боломжонуудые хэрэглэхые оролдоно” гээд онсолһон байха юм. “Үндэр тушаалтад нэрэ хүндэеэ зарим ушарта хамгаалжа байхаяа сээрлэдэг агша, тиимэһээ Толгойлогшоёо дэмжэжэ байһанаа бидэ мэдүүлхэ ёһотойбди. Гажа буруу ямар нэгэ хүсэнүүд иишэ тиишэнь дүүжэндүүлхые һанаад байна. Минии бодоходо, энээн тухай өөрынгөө һанамжа хэлэхэ сагнай ерээ. Бараг аабза, юумэн тиигэһээр өөрөө үнгэршэхэ гээд үлэ мэдээшэ болоод һуухамнай одоо таагүй” – гээд М.Гершевич хэлэбэ һэн.

“Наговицын – тонило!” гэжэ уряае би угтаа зүбшөөнэгүйб. Минии һанамжаар, энээниие буруушааһан арад түмэн нэгэдэжэ, хамтын “Үгы!” гэжэ адлирхуу маягаар энээнииень харюулха ёһотойбди. Республикын улад зон энээние иигээд орхихогүй, Буряадайнгаа Уласай Толгойлогшые дэмжэхэ хүсэлтэй бодохол байха”, - гээд парламентын спикер бата этигэлтэйгээ мэдүүлээ.