«Үльгэр домогто манай Сагаалган – 2015”

2015 оной хоёр һарын 18-һаа 22 болотор Буряад Уласта республикын Аяншалгын хорооной туһаламжаар “Үльгэр домогто Сагаалгамнай” гэһэн гаршагтай жэл бүриин түсэл ябуулагдаха

Юрэнхыдөө, Сагаан һарын һайндэрые “гүрэнэй” хэмжээндэ тэмдэглэдэг болоһоорнай эгсэ 25 жэл үнгэрбэ гээд һануулая.

Байгша ондо Татарстан Уластай холбоо харилсаа баталһанай ёһоор Сагаан һарын нааданда Казань хотоһоо тэндэхи үбэлэй һүлдэ болохо Кыш-Бабай үбгэн буужа хабаадалсаха. Тэрээнһээ гадна Ленинград можын Гатчина хотоһоо Бүхэдэлхэйн Хасаг Жабар Үбгэн, Улаан-Үдын анда хото Урда Солонгосой Ёнгволь хотоһоо Санта Клаус гэгшэд мүн лэ айлшалха һурагтай. Эдэ бүгэдэ Сагаалганай баяр хубаалдалсахын хажуугаар энэ ушараар үнгэргэгдэхэ “Хамаг дэлхэйн ёохорто” болоод “Буузын баяр” гэхэ мэтэ үйлэ хэрэгүүдтэ байлсаха юм.

Нааданай программын ёһоор айлшад Асагадай дасан, тэндэхи “Талын нүүдэлшэн” түб, Загарайн аймагта татар яһатанай һуурижаһан нютагуудые, Тарбагатайн аймагтахи шэмээшэгүүдэй бууса гэхэ мэтые эрьежэ, эндэхи зоной байра байдалтай танилсаха. Тиихэдэ Үбэр Байгалай арадуудай музейн дэбисхэр дээрэ түбхинэһэн Сагаан Үбгэнэй үргөөдэ үхибүүдтэй уулзалганууд хараалагданхай. Тэрэшэлэн, үльгэртэхи сагаан һахалтан хүүгэдэй байшангуудаар ябажа, бэеэ харуулха. Эдэ бүхы газарнуудаар манай Сагаан Үбгэн айлшадаа дахуулан ябуулха юм байна.

“Үльэр домогто Сагаалгамнай” түсэлые аяншалгын ХХХ “Спутник-Бурятия” компани зохёожо бэелүүлнэ гээд һануулая. Энэ ушараар хандаха гэбэл, гүсэдхэхы зарлал Андрей Викторович Измайловта сэхэ хонходожо болоно: 8 (3012) 21-18- 62, 64-75-31.