100 хюлгэ дээрэ тулалдаан
Общество,
10.09.2015 09:39.
Шатараар һонирхолтой хэмжээ ябуулга Улаан- Үдын ойн баярта зорюулагдаа
Нэгэ доро 100 шатарай хюлгэ дээрэ наадалган Буряадай шатарай түүхэ соо болоогүй байгаа. Манай республикын мэдээжэ шатаршан, эхэнэрнүүдэй дунда уласхоорондын гроссмейстер Инна Ивахинова иимэ уд¬хатай хэмжээ эмхидхээ.
Шатар нааданда дуратай наһатайшье, залуушье хүн зон эртэнһээ Бестужевай нэрэмжэтэ Ород драмын теа¬трай дэргэдэхи талмай дээрэ сугларба. Юуб гэхэдэ, Инна Ивахиноватай болон бэлигтэй ургажа ябаа залуу шатар¬шадтай наадаха дуратайшуул 100-һаа хоёр-гурба дахин олон байшоо.
Тус наадануудта ФИДЕ-гэй мастернууд Сэнг-Дорж Дондуков болон Надежда Абзаева (Ивахинова), спортын мастер Сурена Самданова, уласхоорондын мастер Жам¬саран Цыдыпов болон өөрөө Инна Ивахинова дуратай¬шуултай наадаа.
Инна Ивахинова хадаа хоёр дахин Европын чемпио¬надуудта түрүүлжэ гараа бэлэй гээд һануулая. Һүүлэй үедэ Инна үхибүүдые һорилго хэнэ. Мэдээжэ шатарша¬най бэлдэһэн Григорий Тюгашев яһала һайн амжалта¬нуудые туйлаа. Тэрэ 9 наһатай хүрэтэр хүүгэдэй дунда Сибириин тойрогой мүрысөөндэ түрүү һуури эзэлээ һэн. Энээнһээ уламжалан, үхибүүдтэй хүдэлжэ шадахаб гэһэн мэдэрэлдэ абтахадаа, Инна Ивахинова өөрын ша¬тарай һургуули нээбэ гээшэ.
“Манай наадануудта эгээл бага хабаадагша 5 наһатай, аха захатан 83 наһа хүсөөд байгаа” гээд сүлжээ холбоон соохи “Инна Ивахиновагай шатарай һургуули” гэһэн со¬циальна бүлгэм соо бэшэгдэнэ, дуулгаха «Буряад Унэн».
Уважаемые читатели, все комментарии можно оставлять в социальных сетях, сделав репост публикации на личные страницы. Сбор и хранение персональных данных на данном сайте не осуществляется.
Читают сейчас
Происшествия, 27.04.2024
Мужчина врал, что берёт кредит для покупки автомобиля, и сотрудникам банка, и настоящим полицейским