Субаргын дэргэдэхи һурагшанарай слет

Алтан намар уужамхан Иисэнгэ нютагта саг соогоо өөрынгөө тушаалда бууба. Зунһаа эхилээд, бороо хура ороогүй гэжэ гэмэрһээр, нютагайхид үбэлэйнгөө малай үбһэ хуряаһаар. Үйлсөөр ябажа харахада, анхан хониной гүүртэ дээрэ обоолжо сомоһон һүринүүд харагдана, нюдэ баярлуулна. Бүхэхэнөөр үмсынгөө ажал ябуулдаг заншалта гурим. Хойто хоройгоо заһажа, гэр бараагаа заһажа, үбэлэй хүйтэниие үнгэргэхэ ажалаа дүүргэһэн зон олон

Эгээл энэ үедэ ажалаа эхилһэн багшанар, һургуулиин шабинар сүлөөгүй үглөөнэй наранаар хойноо сүүмхээ үргэнхэй һургуули тээшээ яарана. Булта спортивна хубсаһатай, эндэ бүлэг боложо суглараад, ехэл һанаата болонхой хөөрэлдэнэ хэбэртэй. Захиргаанай байшан руу ошожо ябатараа, һургуули тээшэ годирбоб. Һонирхожо үхибүүдһээ хайшаа ошохоёо сугларбабта гэжэ һурабаб. “Ту­ристическэ слёдто Михайловка гарахамнай”, - гэбэ.

Энэ һургуулида залуу наһандаа багшалһан Светлана Цыбиковна бидэ хоёр ехэл дуратайгаар алтан намарай һайндэртэ хабаадахаяа урилга абажа баярлаабди.

- Жэл бүхэндэ һургуулиингаа хэшээлэй эхилхэдэ, үндэр майлын доро ерэжэ, ойн соорхой соо аяншалагшадай слёт үнгэргэжэ, үхибүүдэйнгээ гансашье тамир шалгадаг бэшэбди, һурагшанарайнгаа эбтэй эетэй, нэгэл һанаа бодолтой ажал бүтээхэ, һуралсалдаа харюусалгатайгаар хандаха арга боломжонуудые хаража үзэхэ гэһэн манай хүсэл юм, - гээд, һургуулиин директорэй хүмүүжүүлгын талаар орлогшо Гэрэлма Гунгаевна Будацыренова хөөрэнэ. Класс бүхэн майхан тодхоохо. Түүдэг носоохо, эдеэ амтатайгаар шанаха шадабаринуудай хажуугаар ой соо ямар һэргылэмжын, аюулгүй ажал хэдэг бэ гэһэн шалгалтанууд үнгэргэгдэбэ. Уданшьегүй слёдто хабаадагшад ГТО-гой нормонуудые тушааба. Эндэ тамир хүмүүжүүлгын багша Базар Дашижамсуевич Базаровай ударидалга доро 3 км зайда гүйлдэбэ. Хүхюу альга ташалган доро ахамад классайхид гүйлдэжэ, тамираа харуулба.

Класс бүхэнэй бэлдэлгэ хаража үзэхэдэмнай, үхибүүд следтоо ехэ бэрхэ бэлдэһэн байна.

Энэ слёдой һүүлээр багшанар ГТО-гой нормо тушааха юм. Баһал багшанарай дунда бэлдэлгэн, бэеэ һорилгон эхилэнхэй. Багшанар бү- хэн өөрынгөө жэшээгээр шабина­раа хүмүүжүүлхэ ёһотойбди гээд арбадахи классай хүтэлбэрилэгшэ Жаргалма Баировна Базарова хөө- рэлдөөемнай тобшолбо.

Михайловка тосхоной үндэртэ нютагай зоной, залуушуулай эдэбхитэй хабаадалгатай «Юндэн Субарга» бодхоогдоо. Залуу зоной ами наһые болон байдалые хамгаалха гэһэн уд­хатай, нангин газар болонхой. Мүнөө үеын үхибүүд эхэ, эсэгэтэеэ ерэдэг, буян үйлэдэдэг, айлайхи болоходоо гү, али сэрэгэй албанда мордоходоо, хүбүүднай ерэжэ, бэеэ арюудхадаг, адис абадаг юм, дуулгаха «Буряад Унэн».