Алексей Цыденов албанай хэрэгээр Монгол гүрэн гараба
Общество,
10.07.2017 18:09.
Буряад Уласай Толгойлогшын уялгануудые дүүргэгшэ Алексей Цыденов албанай хэрэгээр Улаан-Баатар ерэбэ
Ородой Холбоото Уласай Юрэнхылэгшын туһалагша Игорь Левитин, Засагай газарай түлөөлэгшэд болон Буряад Уласай Толгойлогшын уялгануудые дүүргэгшэ Алексей Цыденов гэгшэд Монгол гүрэнэй Юрэнхылэгшын тушаалда орохо Халтмаагийн Баттулгын тангаригаа үгэхэ баяр ёһололдо хабаадаха юм.
Монгол гүрэндэ Алексей Цыденов албанай хэрэгээр ябажа, Улаан-Баатарта үнгэргэгдэжэ байһан “Наадам” гэһэн үндэһэтэнэй нааданай хэмжээ ябуулгануудта хүрэхэ.
Арадай намай түлөөлэгшэ Халтмаагийн Баттулга, Монгол гүрэнэй Юрэнхылэгшын һунгалтада 2-дохи шатада түрүүлбэ. Һунгалтада 1 207 787 хүн хабаадажа, тэрэнь 60,67% болобо. Баттулгын түлөө һунгагшадай 50,61% -нь дуугаа үгэһэн байна. Юрэнхылэгшын һунгалтада тэрэнтэй хамта хабаадаһан Миеэгомбын Энхболдын түлөө 41,16% ажаһуугшад дуугаа үгэбэ.
Монгол гүрэндэ һунгалта түрүүшынхиеэ 2 шатада үнгэрбэ.
Халтмаагийн Баттулга залуудаа самбо, дзюдодо ябажа, Монголой суглуулагдамал командын бүридэлдэ ородог байгаа. Баттулга Монголой Ехэ Хуралай һунгамал, Транспортын сайд, удаань Үйлэдбэриин сайд ябаһан намтартай юм.
Халтмаагийн Баттулгын хубиин гэрэл.
Уважаемые читатели, все комментарии можно оставлять в социальных сетях, сделав репост публикации на личные страницы. Сбор и хранение персональных данных на данном сайте не осуществляется.
Читают сейчас
Власть, 01.01.2025
В Улан-Баторе побывали главы России, Белоруссии, Казахстана, ФРГ, Швейцарии и других стран
Власть, 28.12.2024
Секретарь генерального совета «Единой России» Владимир Якушев представил результаты работы партии в 2024 году
Власть, 27.12.2024
В рамках всероссийской акции активисты партии «Единая Россия» совместно с депутатами вручили подарочные наборы ветеранам
