Буряад уласай Поселье һууринай һургуулида гурбадахи ээлжээн усадхагдаха
Поселье һууринда барилгын ажал түлэг дундаа
Ивалга аймагай Поселье һууринда шэнэ һургуулиин торхо бодхоогдобо. Энэ барилгын ашаар хэдэн зуугаад үхибүүд нютаг дээрээ һургуулида ябаха аргатай болохонь гээшэ.
450 һурагшые хүлеэн абаха аргатай тус һургуули «Болбосорол» гэһэн үндэһэн түсэл бэелүүлгын хэмжээндэ баригдана. Мүнөөдэрэй байдалаар «Дом 2000» гэһэн хизаарлагдамал харюусалгатай бүлгэмэй хүсөөр торхо бодхоогдоод, газааһаа дулаалагдажа байна. Гадна спортзалай хананууд бодхоогдоо, гүйдэлэй зүргэнүүдэй болон тамирай талмайнуудай һуури табигдаа.
Мүнөө дээрээ Поселье һууринда гансал эхин шатын һургуули ажалаа ябуулна. 40 һурагшые хүлеэн абаха аргатай тус һургуулида 1-дэхиһээ 4-дэхи анги болотор 120 гаран үхибүүд гурба ээлжэлжэ һурана. Нютаг дээрээ һургуулигүй ушарһаа Поселье һууринай 1058 үхибүүд Ивалга аймагай Һужаа тосхон гү, али Улаан-Үдэ хото руу ябажа һурана. Шэнэ һургуули барилгын ажал байгша оной февраль һарада эхилэгдээ һэн гээд һануулая. Бүхыдөө тэрээндэ 400 гаран сая түхэриг һомологдохоор хараалагданхай. Һургуулиин шэнэ байшан найман блогһоо бүридэхэ, мүн «Г» үзэгэй түхэлтэйгөөр баригдаха. Бүхы блогуудынь хоорондоо залгаатай байхаһаа гадна, гурбан тээгээ үүдэтэйгээр түсэблэг- дэнхэй. «Б», «В», «Г», «Д» блогуудынь хоёр дабхар, «И» (пищеблок), «Е» (спортзал), мүн «Ж» - нэгэ дабхар, харин «А» - гурбан дабхар байха юм ха. Гадна эрэмдэг үхибүүдэй дээдэ дабхарта гарахынь тула, лифт хабсарагдахаар хараалагдана. Тус һургуули 2020 ондо үүдэеэ сэлихэ.
- Шэнэ һургуули барилгаар гурбадахи ээлжээнэй бэрхэшээл шиидхэхэ зорилготойбди. Бүхыдөө Буряад орондо һуралсалай 13 эмхи гурбан ээлжээгээр ажалаа ябуулна, - гэжэ Буряад Уласай Болбосоролой болон эрдэм ухаанай сайд Баир Жалсанов тэмдэглэнэ.
Гэхэ зуура, гурбадахи ээлжээ усадхаха талаар хэмжээнүүд бүхы Буряад ороноор ябуулагдана. Ниислэл хотодошье, аймагуудташье шэнэ һургуулинууд нээгдэһээр. Улаан-Үдын 63-дахи һургуулида 350 һууритай шэнэ нэмэлтэ байшан баригдаа. 112- дохи микрорайондо 744 хүүгэдэй һураха шэб шэнэхэн һургуули бодхоогдожо, ашаглалгада тушаагдаа. Үшөө 25-дахи һургуулида нэмэлтэ байшан, 49-дэхи һургуулида болон 33-дахи гимназида залгалаанууд баригдана. Гадна Автотранспортная гудамжаар, 40- дэхи һургуулиин хуушан һуурида, 1275 һурагшые хүлеэн абаха аргатай шэнэ байшан бодхоогдохонь.
Гэхэтэй хамта, Ивалга аймагай Гүрэльбэ һууринда баригдаһан 450 һууритай һургуулида гурбадахи ээлжээн усадхагдажа, мүнөө үхибүүд хоёр ээлжээгээр һурана. Тарбагатай аймагай Доодо Саянта, Ивалга аймагай Хойто Бэе, Загарай аймагай Доодо Тайлса, Түнхэн аймагай Аршаан, Кабанска аймагай Клюевка һууринуудта шэнэ һургуулинууд баригдаха.
Ивалга аймагай Поселье һууринда шэнэ һургуулиин торхо бодхоогдобо. Энэ барилгын ашаар хэдэн зуугаад үхибүүд нютаг дээрээ һургуулида ябаха аргатай болохонь гээшэ.
450 һурагшые хүлеэн абаха аргатай тус һургуули «Болбосорол» гэһэн үндэһэн түсэл бэелүүлгын хэмжээндэ баригдана. Мүнөөдэрэй байдалаар «Дом 2000» гэһэн хизаарлагдамал харюусалгатай бүлгэмэй хүсөөр торхо бодхоогдоод, газааһаа дулаалагдажа байна. Гадна спортзалай хананууд бодхоогдоо, гүйдэлэй зүргэнүүдэй болон тамирай талмайнуудай һуури табигдаа.
Мүнөө дээрээ Поселье һууринда гансал эхин шатын һургуули ажалаа ябуулна. 40 һурагшые хүлеэн абаха аргатай тус һургуулида 1-дэхиһээ 4-дэхи анги болотор 120 гаран үхибүүд гурба ээлжэлжэ һурана. Нютаг дээрээ һургуулигүй ушарһаа Поселье һууринай 1058 үхибүүд Ивалга аймагай Һужаа тосхон гү, али Улаан-Үдэ хото руу ябажа һурана. Шэнэ һургуули барилгын ажал байгша оной февраль һарада эхилэгдээ һэн гээд һануулая. Бүхыдөө тэрээндэ 400 гаран сая түхэриг һомологдохоор хараалагданхай. Һургуулиин шэнэ байшан найман блогһоо бүридэхэ, мүн «Г» үзэгэй түхэлтэйгөөр баригдаха. Бүхы блогуудынь хоорондоо залгаатай байхаһаа гадна, гурбан тээгээ үүдэтэйгээр түсэблэг- дэнхэй. «Б», «В», «Г», «Д» блогуудынь хоёр дабхар, «И» (пищеблок), «Е» (спортзал), мүн «Ж» - нэгэ дабхар, харин «А» - гурбан дабхар байха юм ха. Гадна эрэмдэг үхибүүдэй дээдэ дабхарта гарахынь тула, лифт хабсарагдахаар хараалагдана. Тус һургуули 2020 ондо үүдэеэ сэлихэ.
- Шэнэ һургуули барилгаар гурбадахи ээлжээнэй бэрхэшээл шиидхэхэ зорилготойбди. Бүхыдөө Буряад орондо һуралсалай 13 эмхи гурбан ээлжээгээр ажалаа ябуулна, - гэжэ Буряад Уласай Болбосоролой болон эрдэм ухаанай сайд Баир Жалсанов тэмдэглэнэ.
Гэхэ зуура, гурбадахи ээлжээ усадхаха талаар хэмжээнүүд бүхы Буряад ороноор ябуулагдана. Ниислэл хотодошье, аймагуудташье шэнэ һургуулинууд нээгдэһээр. Улаан-Үдын 63-дахи һургуулида 350 һууритай шэнэ нэмэлтэ байшан баригдаа. 112- дохи микрорайондо 744 хүүгэдэй һураха шэб шэнэхэн һургуули бодхоогдожо, ашаглалгада тушаагдаа. Үшөө 25-дахи һургуулида нэмэлтэ байшан, 49-дэхи һургуулида болон 33-дахи гимназида залгалаанууд баригдана. Гадна Автотранспортная гудамжаар, 40- дэхи һургуулиин хуушан һуурида, 1275 һурагшые хүлеэн абаха аргатай шэнэ байшан бодхоогдохонь.
Гэхэтэй хамта, Ивалга аймагай Гүрэльбэ һууринда баригдаһан 450 һууритай һургуулида гурбадахи ээлжээн усадхагдажа, мүнөө үхибүүд хоёр ээлжээгээр һурана. Тарбагатай аймагай Доодо Саянта, Ивалга аймагай Хойто Бэе, Загарай аймагай Доодо Тайлса, Түнхэн аймагай Аршаан, Кабанска аймагай Клюевка һууринуудта шэнэ һургуулинууд баригдаха.
Уважаемые читатели, все комментарии можно оставлять в социальных сетях, сделав репост публикации на личные страницы. Сбор и хранение персональных данных на данном сайте не осуществляется.
