Сʏлжээ холбооной дэбисхэртэ хуудаһан дээрээ толгойлогшо бэшэһэн байна:
«Энэ эмнэлгын газарта сэрэгэй тусхай ябуулгада хабаадажа байһан манай нютагай хʏбʏʏдые аргалдаг. Зунай эхиндэ сэрэгшэдээ эрьехээ ошоходоо, Дайнай ветерануудай эмнэлгын газарай даргатай уулзаһан байнабди. Тиихэдэ, Максим Юрьевич сэрэгшэдые хайшан гээд аргалдаг бэ, ямар эмшэлгын арганууд эгээл ехэ аша үрэ харуулнаб гэжэ хөөрэжэ үгɵɵ. Гэхэ зуура, манай сэрэгшэдые Буряад Уласһаа һайн дураараа ерэһэн басагадай саг үргэлжэ харалсажа байһан дээрэһээ хʏбʏʏд нилээд түргэн эдэгэжэ байна гэжэ тэрэ тэмдэглээ юм».
Санкт-Петербургын айлшад Зʏʏн зʏгэй эмнэлгын тʏб болон Дайнай ветерануудай уласай клиническэ госпиталь хараха байна.
- Манай мэргэжэлтэд дʏй дʏршэлɵɵрɵɵ хубаалдажа, хʏбʏʏдэйнгээ элүүр энхые һэргээхэ талаар тэдэнтэй хамтын ажал ябуулха болоно. Буряадай сэрэгшэдтэ Санкт-Петербургын эмнэлгын газарта ʏндэр хэмжээнэй туһаламжа ʏзʏʏлэгдэдэг, - гэжэ толгойлогшо тэмдэглэнэ.
Санкт-Петербургын эмшэд түбэд эмнэлгэ хэрэглэлгээр болон Буряадай мэргэжэлтэдэй эмнэлгын гуримаар һонирхожо эхилээ.
