Үертэ хохидоһон Буряадай ажаһуугшад мүнгэн тэдхэмжэдэ хүртэхэ

Буряад Уласай толгойлогшо Алексей Цыденов Тарбагатайн болон Мухар-Шэбэрэй аймагуудаар ябаад ерэбэ. Эдэ аймагууд ехэ бороогой ороһоной удаа уһанда абтагдаһан байна.

- Һүүлэй хэдэн үдэрнүүдтэ уласай дэбисхэртэ уһа ехэтэй бороо таһалгаряагүй орожо, ажаһуугшадай гэр байра, хашаа хотониинь уһанда абтаа. Мʏнɵɵ Тарбагатай болон Ехэ Хунилын һууринуудта орёо байдал юм. Тэндэхи хʏʏргэнʏʏд, харгынууд болон гэрнʏʏд гарзатанхай. Хʏн зондо бʏхы хэрэгтэй туһаламжа ʏзʏʏлэгдэнэ, - гэжэ уласай толгойлогшо дуулгаба.

Августын 2-һоо уһанда абтагдаһан газарнуудаар ябажа, хохидол сэгнэгдэнэ гэжэ Буряад Уласай засагай газарай мэдээсэлэй албан дуулгана.

Мʏн тиихэдэ һайн дуратанай, бүхы һанаагаа зобогшодой туһаламжа хэрэгтэй гэжэ уласай толгойлогшо тэмдэглэбэ.

- Бүхы һанаагаа зободог арад зондоо хандаха һанаатайб. Эндэ ганса мүнгэн туһаламжа хэрэгтэй болохо бэшэ, харин энэ бүхы бог шорой, шабар суглуулха, сэбэрлэхэ хэрэгтэ туһаламжа мʏншье хэрэгтэй болоно. Сэрэгэй тусхай ябуулгада хабаадагшадай гэр бʏлэнʏʏдтэшье тусхай туһаламжа хэрэгтэй юм. Эндэ эрэмдэг үхибүүдтэй айлнууд бии. Манай талаһаа бидэ бүхы юумэ хэхэбди, гэбэшье нютагууд болон дэбисхэр дээрэ арад зоной туһаламжа мүн лэ үлүү байхагүй, - гэжэ Алексей Цыденов хэлэбэ.