Буряад хэлэ дэлгэрүүлхэ грантнуудай 2 дугаар фестиваль түгэсэбэ
Общество,
15.12.2014 16:30.
2014 оной декабриин 13-да БГУ-гэй шэнэ байшан соо буряад хэлэ дэлгэрүүлхэ грантда хүртэхэ хүсэлтэй зоной өөрынгөө түсэл проектнуудые хамгаалаан болобо
Энэ үйлэ хэрэгые «Найдал» гэһэн ниитэ жаса бэлдэн ябуулна гээд абаһаар хэлэе.
Дүрбэ һарын туршада тус жаса «IT-түсэл», «Интернет-түсэл», «Аудио-видео-түсэл», «Уран-түсэл» гэжэ илгаа номинацинуудаар мэдүүлгэнүүдые суглуулжа байгаа.
Хуралдаанай үргэлжэлдэ «Open Space» гэһэн онол аргануудые хэрэглэмжын семинар үнгэргэгдөө. Бусадшье тусхай тренинг һуралсалнууд эмхидхэгдээ гээд Буряад Уласай Һуралсалай болон эрдэм ухаанай яаманай хэблэлэй албан дуулгана.
Юрэнхы дээрээ, «Оpen Space» технологи гээшэмнай һанаан бодолоо улам хурсадхаха онол шадабари мүн болоно. Эндэ хабаадагшад һанаһанаа буйлуулжа, проект зохёожо мэргэжэхэ жэшээтэй. Гэхэтэй хамта, зохидшоогдоһон бодол түсэлнүүд эндэ шэлэгдэхэ ёһотой һэн. Тиин экспертнүүдэй шиидхэбэреэр эрилтэнүүдтэ таараһан 25 түсэл шэлэгдэн элирээд, тусхай мэдүүлгэнүүд жюриин үзэмжэдэ дамжуулагдаһан байна.
«Найдал» жасын оролдолгоор энэ хэрэг бүтэхэ тээшээ болобо гээд тэмдэглэе. Буряад хэлэ дэлгэрүүлхэ талаар грантнуудай урилдаанда илагшадые урмашуулгын баярай ёһолол декабриин 17-до Эб найрамдалай байшанда үнгэрхэ. Тус хуралдаа наадан Буряад Уласай Толгойлогшын ба Засагай газарай захиргаанай Үндэһэ яһатанай хоорондохи харилсаанай ба эрхэтэдэй эдэбхи үүсхэл хүгжөөлгын хорооной дэмжэлгээр бодото дээрээ бэелүүлэгдэхэ хубитай байба.
Энэ үйлэ хэрэгые «Найдал» гэһэн ниитэ жаса бэлдэн ябуулна гээд абаһаар хэлэе.
Дүрбэ һарын туршада тус жаса «IT-түсэл», «Интернет-түсэл», «Аудио-видео-түсэл», «Уран-түсэл» гэжэ илгаа номинацинуудаар мэдүүлгэнүүдые суглуулжа байгаа.
Хуралдаанай үргэлжэлдэ «Open Space» гэһэн онол аргануудые хэрэглэмжын семинар үнгэргэгдөө. Бусадшье тусхай тренинг һуралсалнууд эмхидхэгдээ гээд Буряад Уласай Һуралсалай болон эрдэм ухаанай яаманай хэблэлэй албан дуулгана.
Юрэнхы дээрээ, «Оpen Space» технологи гээшэмнай һанаан бодолоо улам хурсадхаха онол шадабари мүн болоно. Эндэ хабаадагшад һанаһанаа буйлуулжа, проект зохёожо мэргэжэхэ жэшээтэй. Гэхэтэй хамта, зохидшоогдоһон бодол түсэлнүүд эндэ шэлэгдэхэ ёһотой һэн. Тиин экспертнүүдэй шиидхэбэреэр эрилтэнүүдтэ таараһан 25 түсэл шэлэгдэн элирээд, тусхай мэдүүлгэнүүд жюриин үзэмжэдэ дамжуулагдаһан байна.
«Найдал» жасын оролдолгоор энэ хэрэг бүтэхэ тээшээ болобо гээд тэмдэглэе. Буряад хэлэ дэлгэрүүлхэ талаар грантнуудай урилдаанда илагшадые урмашуулгын баярай ёһолол декабриин 17-до Эб найрамдалай байшанда үнгэрхэ. Тус хуралдаа наадан Буряад Уласай Толгойлогшын ба Засагай газарай захиргаанай Үндэһэ яһатанай хоорондохи харилсаанай ба эрхэтэдэй эдэбхи үүсхэл хүгжөөлгын хорооной дэмжэлгээр бодото дээрээ бэелүүлэгдэхэ хубитай байба.
Уважаемые читатели, все комментарии можно оставлять в социальных сетях, сделав репост публикации на личные страницы. Сбор и хранение персональных данных на данном сайте не осуществляется.
